Enginn skóli í dag

Og ég svaf til hádegis!!! já já, þarf að fara að snúa sólarhringnum aftur við svo ég geti vaknað á morgnana...

***

Í dag fórum við Atli á leiguskrifstofuna til að athuga með framlengingu á leigunni á íbúðinni því samningurinn rennur út í mars....erum svona að velta fyrir okkur hvort við eigum að skipta um íbúð og fara í aðeins minni íbúð með einu svefnherbergi...kannski engin ástæða til að vera að borga 25-30þúsund krónur meira á mánuði fyrir aukaherbergi sem við notum ekkert. Ætlum að melta þetta á næstu dögum...

Svo kíktum við líka á atvinnuskrifstofu....og við vorum spurð hvort við værum PÓLVERJAR!!! Við vorum ekki beint sátt við þessa samlíkingu...hahaha....!!!

***

Svo var fjárfest í smá eldhúsáhöldum t.d. eldföstumóti, klakaboxum, þvottaefni og fleiru sem var orðið af skornum skammti hérna. Var næstum því búin að kaupa bökunarform fyrir kökur...en svo spurði Atli hvenær ég væri eiginlega vön að baka og þá áttaði ég mig á því að ég baka aldrei! Fyndið þegar maður er úti í búð að þá finnst manni allt svo sniðugt og vill kaupa alls konar dót sem maður notar svo kannski aldrei ;)

***

Á morgun förum við Atli svo í "heilsumælingu" í ræktinni, við eigum bæði pantaðan tíma þar sem blóðþrýstingur verður mældur, fituprósenta, kolesteról, gert þrekpróf og fleira á okkur. Við sjáum svo til hvar við stöndum. Svo verða næstu mánuðir notaðir til að reyna að bæta sig...það er því um að gera að nýra kvöldið í kvöld í botn í að borða óhollustu því eftir daginn á morgun verðum við að fara að passa okkur aðeins. Við ætlum þó ekki að fara í eitthvða heavy átak, það verður alveg leyft að fá sér einn og einn öllara um helgar og svona....en kannski ekki eins mikið af nammi og óhollustu eins og við höfum lifað á síðustu daga og vikur...hahaha...sjáum til hvernig það fer :)

Fullt hús af mat!

Já, eftir að Atli flutti í 125 Bell Street þá lítur ísskápurinn miklu myndarlegri út :) Þegar ég var ein hérna nennti ég ekki að vera að versla mikið í matinn og sömu hlutirnir voru alltaf inni í ísskáp...mjólk, smjör, stur, skinka, marmelaði, jógúrt og kannski appelsínusafi...en núna...núna er öldin önnur....ísskápurinn er gjörsamlega úttroðinn af girnilegum mat...egg, bacon, grænmeti, ávextir, ýmiss drykkjaföng, Cheerios í skápnum, íslenskt nammi og margt fleira...ég get ekki kvartað :)

***

Annars fórum við Atli út að borða í gær á Valentínusardaginn....reyndar höfum við aldrei haldið upp á þennan dag en okkur fannst tilvalið að nota tækifærið og fá okkur eitthvað gott að borða. Löbbuðum um miðbæinn og auðvitað voru allir veitingastaðir stútfullir...en að lokum enduðum við á Wagamama sem er rosa vinsæll Japanskur veitingastaður. Fengum okkur djúpsteiktar risarækjur í kókos í forrétt og í aðalrétt var svo kjúklingur í einhvers konar karrýsósu, hrísgrjón og grænmeti. Þetta var ekkert smá gott....pottþétt að þegar við fáum gesti næst þá förum við með þá á þennan veitingastað :) Við eyddum svo kvöldinu uppi í sófa og horfðum á sjónvarpsþætti til skemmtunar ;)

***

Það var svo sofið út í morgun...en núna þarf ég að taka upp kínverskubækurnar og rifja aðeins upp. Ég hitti svo Brittu og eina kínverska stelpu seinna í dag til að læra kínversku saman...voða gott að hafa eina kínverska með sér í liði sem getur aðstoðað þegar við erum í erfiðleikum með framburðinn :) Jæja, segi þetta gott í bili. knús frá Glasgow :)

Skólinn byrjaður aftur

Já, ágætt að vera byrjaður í skólanum aftur...kemst alltaf smá rútína á hlutina þá...þó svo ég sé kannski ekki alveg kominn í brjálað lærdómsstuð ;) Annars fengum við próftöfluna okkar í dag fyrir vorið, Fyrst prófið er 2.apríl í kínversku, ég er rosa ánægð með það...klára það bara af og þá þarf maður ekki að spá í því meira. Svo verða tvö próf í endan á apríl. Sumir í bekknum tóku valfag sem verður kennt í maí en ég valdi vafag sem ég er í þessa vikuna þannig að ég get byrjað á lokariterðinni minni strax í maí...það er held ég bara flott mál :)

***

Annars fórum við Atli og keyptum okkur mixer í gær til að búa til boost í. Reynar er ekki hægt að fá skyr herna en við notumst bara við hreint jógúrt í staðinn :)

***

Kíktum líka í smá mótorhjólaleiðangur í gær....það eru þrjár mótorhjólabúðir hérna í sömu götunni og við fórum aðeins til að kíkja á úrvalið. Ein búðin, Ducati Glasgow, er reyndar lokuð á mánudögum en þar er hægt að fjárfesta í dekkjum, aukahlutum og Ducati varningi. Svo var líka ein búð, Hein Gericke, hún bauð upp á alls konar leður og hlífðarfatnar frá t.d. Alpinestars og Dainese. Þetta lofar bara góðu...en við keyptum þó ekkert í þetta skiptið...maður er víst að reyna að spara aurana ;)

***

Jæja, maturinn er víst tilbúinn...lasagna með hvítlauksbrauði....

See you later,

Sæunn :)

Frí frá skólanum & letilíf

Ég veit ég hef ekki bloggað í viku!!! Já ég er ekki að standa mig...
***
Við Atli erum búin að hafa það alveg æðislegt þessa viku sem ég er búin að vera í fríi frá skólanum...Erum búin að sofa út, borða góðan mat, horfa á fullt af skemmtilegum þáttum sem ég hef ekki getað leyft mér síðan í haust, versla, fara í ferðalög og hitta krakkana í bekknum.
***
Það snjóaði aðeins í Glasgow í vikunni....var auðvitað allt á kafi í snjó á suður Englandi og við fengum smá skammt af því þó svo snjórinn hafi varla náð að festast á jörðinni. En það var ótrúlega gaman að fylgjast með indverjunum og krökkunum frá Asíu í bekknum mínum...þau voru að sjá snjó í fyrsta skipti á ævi sinni og þau misstu sig alveg úti í snjónum í snjókasti og búa til snjókarla...Við Atli kíktum aðeins í búðir og Atli fjárfesti í einni North Face flíspeysu enda er búið að vera svolítið kalt hérna síðustu daga :)
***
Á þriðjudaginn kíktum við í afmæli til einnar stelpu, Michelle, í bekknum mínum. Hún hafi smá veitingar og við Atli komum með súkkulaðiköku í desert. Hún var voða ánægð með þetta allt saman :) Sungum svo auðvitað afmælissönginn handa henni :)
***
Á miðvikudaginn var svo farið í kvöldmatarboð til Ankit, frá Indlandi, í bekknum mínum. Það var nú ekkert sérstakt tilefni...en þar sem við erum öll í fríi var ákveðið að reyna að nýta tímann í eitthvað sniðugt. Það var boðið upp á ekta inverskan mat....bragðmikill og sterkur. Bragðaðist rosalega vel...mest megnis grænmetisréttir og Atli var mjög ánægður með þetta. Við Íslendingar kunnum bara ekki að búa til almennilega grænmetisrétti...a.m.k. ekki ég :) Það var svo aðeins dansað og tjúttað eftir matinn...skemmtilega við Indverjana að nánast enginn þeirra drekkur áfengi en samt er enginn feiminn við að dansa á fullu edrú...þetta myndi aldrei gerast í íslensku "partýi" að allir séu edrú og dansa samt á fullu :)
***
Á fimmtudagskvöldið kíktum við Atli, Andreas og Thomas til Zizi og Dave í smá spjall og bjór. Spjölluðum fram eftir kvöldi, hlustuðum á góða tónlist og höfðum það kósí.
***
Í gær, föstudag, fórum ég, Atli, Britta, Preeti, Suruchi og Andreas saman í Kelvingrove museum - þetta er stærsta safnið hérna í Glasgow með sögu Skotlands, náttúrmynjasafn, uppstoppuð dýr, risaeðlur, listaverk og nánast hvað sem er. Besta við Glasgow er að það er nánast frítt á öll söfn hérna....algjör snilld....hvetur nemendur og aðra til að drekka í sig menningu þjóðarinnar :) Eftir safnið fengum við okkur góðan hádegisverð og litum svo aðeins við í Glasgow University en skólinn er nánast eins og kastali. Rosalega flott og virðuleg bygging.
***
Í dag fórum við svo í smá dagsferð til Ayr með Brittu og Preeti. Tókum lestina í ca. klukkustund frá Glasgow Central Station til Ayr og löbbuðum um ströndina, skoðunum bæinn, búðir og fengum okkur að borða. Gaman að skoða þessa litlu bæi sem liggja fyrir utan Glasgow...líka gaman að fara í aðeins annað umhverfi.
***
Þannig að við erum heldur betur búin að vera dugleg síðustu vikuna í smáferðum, skoðunarferðum, matarboðum, búðarferðum og fleira :) Eins gott að nýta tímann á meðan maður hefur hann...skólinn byrjar nefninlega á fullu aftur á mánudaginn....þá verður víst engin bjór og sjónvarpsgláp á kvöldin....en ég er þá allavega búin að fá smá útrás fyrir stuði og afslöppun í bland þannig að ég er alveg tilbúin í lærdóm í næstu viku. Við skulum svo sjá hversu lengi þessi jákvæða hugsun dugi...hahahaha :)
***

P.s. ég ætlaði að setja inn nokkrar myndir með þessari færslu en ég virðist ekki getað upload-að myndum núna...þannig að það verður bara að bíða betri tíma...

Atli loksins kominn til Glasgow

Já...síðustu tveir dagar eru heldur betur búnir að vera æðislegir. Á föstudaginn kláraði ég lokakynninguna mína á viðskiptahugmyndinni okkar og allt gekk bara rosalega vel. Þannig að núna er fyrsta önnin í skólanum "officially" búin...svo lengi sem ég nái prófunum sem ég var í um miðjan janúar. Við skulum vona að það hafi allt saman gengið vel upp :)
***
Seinnipartinn á föstudaginn kom svo Atli minn líka til Glasgow...loksins...mér finnst ég búin að bíða endalaust lengi eftir honum. Þvílíka ljúfa lífið :) Frí frá skólanum í viku og get notið þess að dúllast með honum Atlamann á meðan :) Í gærkvöldi, laugardagskvöld, fórum við Atli svo út að borða með 12 krökkum í bekknum mínum. Fengum okkur nokkra drykki og kíktum á einn skemmtistað. Vorum samt eitthvað svo þreytt að við fórum bara snemma heim. Samt ótrúlega gaman að kynna Atla loksins fyrir krökkunum

***
Vöknuðum svo í morgun og Atli eldaði egg og beikon fyrir okkur í morgunmat...mmmm...bara gott :) Dagurinn í dag er svo búinn að vera algjör letidagur...en á morgun þurfum við að stússast aðeins, fá auka lykla að íbúðinni o.fl. Annars vorum við að enda við að horfa á Fréttir á RÚV á netinu...hef ekki fattað að gera það sjálf á meðan ég hef verið ein hérna úti...en voðalega þæginlegt að geta fylgst betur með heima og horft á almennilegar fréttir :)

Tveir dagar í sæluna

Er á fullu að skrifa handritið fyrir kynninguna sem verður á föstudaginn...er að leggja lokahönd á þetta. Á morgun byrjum við í hópnum mínum svo að æfa kynninguna þannig að þetta er allt að koma hjá okkur :)

***

Annars er heldur betur farið að birta til í Glasgow. Í dag var alveg heiðsýrt og sólskyn...þó svo það hafi nú ekki verið heitt...ekki nema kannski 3-6 gráður þá var samt gaman að sjá hvað lifnaði yfir öllu. Fólk út um allt að labba...það verður bara einhvern vegin léttara yfir manni :)

***

Tveir dagar í sæluna...jamm...Atli kemur á föstudaginn og planið er svo að allur bekkurinn hittist á laugardaginn til að fagna verkefna og próflokum. Ég trúi því bara ekki að þessi mánuður sé að verða búinn, hann er búinn að líða svo ótrúlega hratt...reyndar sem betur fer....!!!

***

Kíkti rétt áðan á RyanAir.com....ussss...þeir eru með hagstæð flugverð....var að skoða flug frá Glasgow til Barcelona í febrúar :) Fyrir okkur Atla tvö saman með öllum flugsköttum kostar u.þ.b. 120pund til Barcelona og til baka...það er ekki nema rétt um 20þúsund krónur...verð að viðurkenna að þetta er svolítið freistandi!!! En maður þarf víst að borga hótelkostnað og uppihald líka...það er nú yfirleitt dýrasti hlutinn...en maður má nú láta sig dreyma :)

Markaðsfræðin búin....Developing a business plan næst á dagskrá

Kláraði markaðsfræðiritgerðina í hádeginu...5 dögum fyrir síðasta skilafrest. Ég er bara nokkuð ánægð með frammistöðuna :) Fór í framhaldinu og keypti mér ljuffenga samloku og labbaði svo aðeins niður í bæ og kíkti í nokkrar búðir og keypti mér eina flík til að verðlauna mig :) Maður verður nú líka að fá að fagna því þegar verkefnin klárast...

***

Annars er ég búin að vera í þvílíku átstuði síðustu vikuna. Skil þetta ekki...farin að drekka gos aftur, borða nammi á hverjum degi og borða óhóflega mikið af muffins og Cafe Latte. Ég vona að ég fari að hætta þessu æði....veit ekki hvernig ég enda með þessu áframhaldi..hahaha...

***

Annars er ég kominn aftur upp í skóla og byrjuð að vinna í næsta verkefni, sem er reyndar vel á veg komið en við eigum að halda hálftíma kynningu á föstudaginn - Developing a business plan & Doing business abroad. Þannig að á föstudaginn klára ég síðasta verkefni annarinnar (haustannarinnar) og kemst í rúmlega vikufrí frá skólanum. Einmitt sama dag kemur Atli þannig að við eigum eftir að hafa nægan tíma til að spóka okkur um Glasgow í byrjun febrúar :)

***

Annars liggur brugglyktin í loftinu...eins og flesta aðra daga. Það er allavega alveg á hreinu að það er eitt af einkennum Glasow...brugglykitn frá bjórverksmiðjunum hérna í nágrenninu. Fyrst fannst mér þessi lykt hryllilega vond en núna finnst mér hún bara fín...setur einhvern veginn svip á borgina :)

Kíkt á kaffihús

Kíkti í gær á kaffihús með Preeti (Nepal) og Michelle (India), fengum okkur Latte og muffins. Það var voða ljúft, taka sér smá pásu frá lærdóm. Samt alveg merkilegt hvað ég get gúffað í mig af Latte og Muffins...held þetta sér ekkert eðlilegt! En ég var að hugsa um að byrja í ræktinni aftur í næstu viku...fer samt alveg eftir því hvernig verkefnavinnan gengur, en það væri voða ljúft að geta fengið smá útrás á hlaupabrettinu og með lóðunum :)

***

Annars var auðvitað bóndadagurinn í gær....ég gat vissulega ekki staðið mig í að gera eitthvað fallegt fyrir Atla minn...þar sem hann er nú ennþá staddur á Íslandi. En við ákváðum bara að við myndum halda upp á sameiginlegan bónda og konudag þegar hann kemur út. Fara og fá okkur eitthvað gott út að borða og hafa það kósí :)

***

Leiðinlegt að heyra með ástandið heima á Íslandi, ætla að vona að það verði bjartari tímar framundan. Annars hefur þetta orðið voða lítil áhrif á mann, tala nú ekki um þar sem Atli er líka að flytja hingað til Glasgow í næstu viku. Þá getum við leitt þetta ástand heima framhjá okkur...

***

Já, annars eru bara 6 dagar í Atla...alveg ótrúlegt hvað þetta er fljótt að líða. Ég er svo í fríi í skólanum frá 31.jan til 9.feb þannig að við Atli fáum heldur betur góðan tíma til að koma okkur fyrir og gera eitthvað sniðugt saman, það verður ljúft að fá smá pásu :)

Styttist í skiladag...

Búin að sitja síðustu daga og skrifa markaðsfræðiritgerðina mína. Var með einhverja ritstíflu í dag...átti frekar erfitt með að koma orðum niður á blað enda var ég að vinna í þeim hluta ritgerðinnar sem mér þykir erfiðastur. Ég vona að afköstin verði betri á morgun...því markmiðið er að klára ritgerðin á morgun, nota svo annað kvöld í yfirlestur og laugardaginn í heimildavinnu, viðauka og annan frágang. Ég veit að minnsta kosti að ég er í mjög góðum málum þar sem sumir í bekknum mínum eru rétt að byrja að leita að heimildum og meira að segja nokkrir eru nýbúnir að tilkynna kennaranum hvað þeir ætla að skrifa um og eru því enn að bíða eftir samþykki!!!

***

Fór í kínverskutíma í morgun...alveg merkilegt hvað ég mundi mikið þó svo það sé búið að vera mánaðarfrí frá síðasta kennslutíma. Var bara nokkuð ánægð með mig :) Finnst þetta ótrúlega spennandi tungumál...hugsa að ég haldi áfram að taka kínverskunámskeið eftir að ég útskrifast...maður getur alltaf tekið svona tungumálanámskeið á t.d. kvöldin eftir vinnu...

***

Er búin að vera að skoða nokkrar brautir hérna í Bretlandi sem bjóða upp á mótorhjóla trackdays. Í flestum tilfellum þarf maður þó að koma með sitt eigið hjól, a.m.k. eru engar brautir sem bjóða upp á Suzuki lánshjól! En ég held ég sé búin að finna lausn á þeim vanda. Ég er nefninlega búin að grafa upp fjórar Suzuki mótorhjólaleigur sem sérhæfa sig í að lána brautarhjól fyrir trackdays...þeir sjá um að koma með hjólið á þá braut sem maður biður þá um þannig að þetta lítur út fyrir að vera ágætis kostur. Er búin að senda e-mail á allar leigurnar og bíð bara spennt eftir að fá svör með betri upplýsingum :) Væri nú ekki leiðinlegt að geta æft sig aðeins þegar fer að vora á almennilegum lokuðum brautum svo maður þurfi ekki að vera að hafa áhyggjur af annarri umferð :)

Internetið heim

Loksins kom að því...í dag fékk ég internet í íbúðina mína. Ég get ekki líst því hversu mikill munur þetta er .... og ég skil ekki af hverju ég var ekki búin að drífa í þessu fyrr! Allavega, þá fékk ég sendan pakka frá VirginBroadband í dag með UPS. Ég var smá hissa því ég hélt að það myndi einhver koma til að tengja allt fyrir mig en nei nei...ég fékk bara sendan kassa með alls konar snúrum, modem, router, straumbreytum, bæklingum install leiðbeiningum og ég veit ekki hvað! Ég verð nú að viðurkenna að ég fékk smá sjokk þegar ég var búin að taka þetta allt upp úr kassanum og velti því mikið fyrir mér hverníg ætti eiginlega að fara að því að tengja þetta allt saman...En ég ákvað bara að setjast á gólfið og hefjast handa við að púsla þessu saman. Að lokum tókst þetta allt hjá mér...verð að viðurkenna að ég kom sjálfri mér bara nokkuð á óvart. Var ekki einhver málsháttur sem sagði "Neyðin kennir naktri konu að spinna"? ég held að minnsta kosti að það hafi átt vel við mig í þessum internettenginum.

Svona til gamans tók ég mynd af sjálfri mér í ferlinu...

Annars varð ég líka vör við frekar undarlega sjón þegar ég leit út um gluggan hjá mér um daginn. Á milli húsa hérna eru gjarnar ýmsar rafmagnssnúrur og á einni slíkri hékk skópar! Já, ég skil eiginlega ekki hvernig skóparið komst þarna upp...en þetta fékk mig allavega til að hlæja í morgunsárið :) Tók mynd af því til gamans en veit ekki hversu vel það sést, skóparið er fyrir miðju myndarinnar, ég setti rauðan kassa utan um til að skórnir sæjust betur á myndinni: