Bekkjarhittingur í gærkvöldi

Flestir í bekknum mínum hittust í gærkvöldi heima hjá Corinne bekkjarsystur minni sem er einmitt skosk. Boðið upp á ýmsar veitingar og drykki. Gaman að hitta aðeins allan hópinn utan skóla...verður að viðurkennast að við erum ekki nógu dugleg að því. Ég var samt eitthvað svo ótrúlega þreytt að ég fór heim um hálf 11 og fór fljótlega að lúlla mér...

***

Er búin að vera með þvílíkan verk í hnakkanum/hálsinum í viku...byrjaði síðasta sunnudag og þetta virðist ekkert ætla að fara. Skil ekkert í þessu...þetta hlýtur nú að fara að verða búið...mig grunar að ég hefi tekið eitthvað vitlaust á í ræktinni...spurning hvað er eðlilegt að þetta sé lengi að jafna sig...

***

Annars gengur ritgerðin bara fínt...næ nú reyndar ekki að klára hana í dag eins og ég hafði hugsað mér...en ég hef ennþá tvær vikur til stefnu þannig að þetta er allt í góðu. Ætla samt klárlega að klára hana í vikunni :)

***

Er að velta fyrir mér hvort ég eigi að vera úber dugleg á morgun og fara í ræktina áður en skólinn byrjar kl. 09:30. Það er nú ekki eins og skólinn sé að byrja snemma...en það er bara alltaf svo hryllilega gott að sofa aaaaaðeins lengur á morgnana ;) Sjáum til hvað gerist...hvort ég komi mér á fætur um 7 í fyrramálið ;)

Meiri matur og spil...!

Hitti Brittu og Preeti í gærkvöldi, við elduðum auðvitað saman....fengum framandi indverskan kvöldmat og svo eftirrétt ala Britta. Smakkaðist allt mjög vel. Fyndið samt hvað Indverjarnir og fólkið frá Nepal, Bangladesh og löndunum þar í kring virðast ekki nota hnífapör þegar þau borða. Allt er borðað með höndunum....okkur Brittu finnst svolítið erfitt að venjast því þar sem okkur finnst nú að maður eigi ekki að vera með puttana í matnum...nema þá kannski þegar maður fær sér djúsí kjúklingavængi og eitthvað svoleiðis sem er ekki hægt að borða með hníf og gafli...en við erum allar að koma til og verða betri í að beita puttunum í matinn!!!

***

Við spiluðum svo Lúdó og vá hvað það var gaman...hahaha...spilið tók heila tvo tíma enda vorum við endalaust að senda hvort annað heim þannig að leikurinn gekk frekar hægt fyrir sig...

Ég kom svo heim rétt fyrir miðnætti að leka niður af þreytu...fór beint upp í rúm og sofnaði mjög fljótlega eftir að hafa spjallað aðeins við hann Atla minn á MSN.

***

Það var svo vaknað í morgun til að halda áfram með riterðina...

Eldamennska

Jæja, hérna er mynd af ljúffenga bananabrauðinu sem við Atli bökuðum síðustu helgi. Það var rosalega gott....reyndar gátum við ekki farið nákvæmlega eftir uppskriftinni þar sem við fundum t.d. ekki spelthveiti eða púðursykur hérna í glasgow...en það var bara notast við hvítt hveiti og sykur í staðinn...bragðaðist allavega mjög vel....heitt brauð með smjöri og ískaldri mjólk...mmm :)

***

Annars hittumst við Britta í gærkvöldi og elduðum okkur lax í einhvers konar tómata og lauksósu með hrísgrjónum. Var rosalega gott...ótrúlega auðvelt að gera þetta...ég ætti að taka Brittu mér til fyrirmyndar í eldhúsinu :)

***

Af skólamálum er allt gott að frétta...vinn sveitt þessa dagana við ritgerðina...og það gengur bara glimrandi vel :) á mánudaginn byrjar svo nýtt valfag í skólanum "Managing International Relationships". Verður spennandi að sjá hvernig það verður...

Framlenging á leigunni

Já, ég fór upp á leiguskrifstofu í gær og skrifaði undir endurnýjun á leigusamningnum...sem þýðir að ég er búin að vera í Glasgow í 6 mánuði!!! Vá, hálft ár liðið...alveg ótrúlega fljótt að líða (nema þegar ég er einmana...hahaha). En ég skrifaði sem sagt undir samning fyrir næstu sex mánuði þannig að ég skil af mér íbúðinni og kem líklega heim til Íslands í september en þá verð ég loksins búin að klára mastersritgerðina mína :) Ég var mikið að velta því fyrir mér að fara í minni íbúð enda er ég ein hérna úti í stórri tveggja herbergja íbúð og borga frekar háa leigu. Hafði hugsað mér að fara í eins herberjaríbúð, jafnvel studio...en svo er bara svo mikið ferli og vinna sem felst í því að skipta um íbúð að ég gafst upp á leitinni og framlengdi núverandi samning. Þannig að fyrir ykkur sem voruð að spá í að kíkja í heimsókn til mín þá er ég ennþá með auka herbergi með hjónarúmi í...svo endilega kíkið í heimsókn ;)

***

Ritgerðin sem ég er að vinna í núna, Internal Branding, gengur bara nokkuð vel. Öll heimildavinna búin og ég byrjuð að skrifa á fullu...hef ekki fengið ritstíflu ennþá...vona að framlegðin verði áfram svona góð...þá næ ég kannski að klára riterðina á sunnudaginn....12 dögum fyrir skiladag...ekki væri það nú leiðinlegt. En þar sem ég verð mjög upptekin í skólanum í næstu og þarnæstu viku ætla ég að reyna að klára sem mest af ritgerðinni í þessari viku :)

Aftur ein í Glasgow

Já, fyrir þau ykkar sem ekki vitið þá er Atli farinn aftur heim til Íslands. Hann fékk smá verkefni heima sem hann ákvað að taka....það gefur mér líka meira tíma til að læra...ég verð að viðurkenna að mér finnst mjög erfitt að læra með hann í kringum mig...sérstaklega ef hann er að gera eitthvað sniðugt ;) En já, núna eru engar afsakanir...núna er það bara hard core lærdómur fram undir lok apríl og þá get ég tekið mér smá pásu áður en ég byrja á mastersritgerðinni... :)

***

Annar er með eitthvað bölvað tak í hálsinum eftir rætina á sunnudaginn...típíst þegar maður þykist ætla að vera eitthvað voðalega duglegur í ræktinni að þá slasar maður sig ;) Þannig að núna reyni ég bara að hvíla vöðvan og hafa hitapoka á honum...þó svo verkurinn virðist ekkert vera að fara...en þetta verður örugglega farið í lok vikunnar.

***

Annars er sólin búin að yfirgefa Glasgow...það var nefninlega svo æðislegt veður hérna í gær...búið að vera frekar dimmt yfir í dag og rigning. En sumarið nálgast...

***

Kennarinn okkar var að pósta myndböndunum sem hann tók af kynningunum í bekknum mínum í síðustu viku á netið. Vááá hvað það er gaman að horfa á sjálfan sig kynna...og já...röddin mannst hljómar allt öðruvísi í hausnum á mér heldur en í myndbandinu, það er ótrúlega fyndið. Verst ég get ekki sett myndböndin hingað inn...þarf sérstakt password til að opna þau en ef ég næ að redda þessu þá pósta ég myndböndunum hingað til að leyfa ykkur að sjá :)

Riterðarvinna

Er á fullu að lesa allar heimildirnar fyrir Internal Branding riterðina mína. Mjög áhugavert efni...skil ekki af hverju fyrirtæki heima á Íslandi eru ekki duglegri að nýta sér þetta!

***

Annars er ég líka búin að vera að reyna að mæta í ræktina....ótrúlega gott að slíta sig frá lærdómnum og fá smá útrás í ræktinni. Lífgar mann alveg upp :)

***

Í dag var æðislegt veður í Glasgow....ég vaknaði um 9 við sólskin og blíðu...nota bene...það rigndi ekkert í dag! það er nánast met ;) Fólk var greinilega í góðu skapi...þar á meðal ég enda lyftir sólin manni alveg á annað plan. Ótrúlega gaman hvað dagarnir eru að lengjast...það er rétt svo að byrja að rökkva núna...ætli það verði ekki dimt um svona hálf 7 eða 7.

***

Fór áðan að hitta Brittu á Cafe Nero...ég fékk mér að sjálfsögðu Latte og bláberjamuffins :) Spjölluðum um allt og ekkert og áður en við vissum af vorum við búnar að sitja og kjafta í tvo tíma :) Þá ákváðum við að drífa okkur heim og halda áfram lærdómi dagsins...

***

Jæja, ætla að fá mér eitthvað að borða, knús frá Glasgow :)

Fridays og Wagamama

Á föstudagskvöldið fórum við Atli á TGI Fridays og fengum okkur að borða kvöldmat. Rosalega gott, kjúklingabitar í forrrétt og klassískur burger í aðalrétt og auðvitað einn kaldur með :) Eyddum kvöldinu yfir ýmsum þáttum og höfðum það kósí.

***

Í gær sváfum við út og hittum svo Brittu og Moritz í hádeginu á Cafe Nero þar sem ég fékk mér Cafe Latte og bláberjamuffins :) Við fjögur tókum svo lestina á Vísindasafnið í Glasgow...og eyddum 2 tímum þar. Virkilega skemmtilegt safn...alveg á hreinu að allt fullorðna fólkið breyttist í börn þarna aftur ;) Um fjögurleytið var lestin svo tekin aftur inn í miðbæ Glasgow þar sem við enduðum á því að fá okkur þriggja rétta máltíð á WagaMama, alveg frábær japanskur veitingastaður. Kvöldinu var svo eytt í leti og afslöppun, nammiát og aðra óhollustu á meðan við horfðum á nokkra þætti af Supersize vs Superskinny...breksir þættir um hollt líferni!!!

***

Í dag var svo aftur sofið út....það er heldur betur búinn að vera lúxus á okkur þessa helgina :) Eins gott að njóta sunnudagsins því á mánudaginn fer ég á fullt í ritgerðarvinnu...

Í skýjunum yfir kynningu dagsins

Vorum að kynna hópverkefni í skólanum í dag og það gekk líka svona ljómandi vel. Kennarinn þvílíkt ánægður með okkur og ég mundi allt sem ég átti að segja :) Þetta er svona hálfpartinn Energy-búst að ganga svona vel með verkefni, maður kemst í svo góðan fíling....og ekki verra að það skuli vera föstudagur :) Kennarinn tók allar kynningarnar upp á video og hann ætlar að setja öll video-in á internetið....það væri nú gaman að geta sýnt ykkur myndbandið af kynningunni hérna á blogginu mínu...þá gefur það ykkur hygmynd um hvað við vorum að bralla :)

***

Komin helgi...ljúfa líf...ég er búin að ákveða að leyfa sjálfri mér að vera frekar slök í lærdómi þessa helgi því síðasta vika er búin að vera mjög erfið með mikið af verkefnum. Á mánudaginn ætla ég svo að fara út á bókasafn og halda áfram með Internal Branding ritgerðina mína sem ég á að skila í lok mars ;) Stefni á að klára ritgerðina eftir 8 daga eða svo...áður en næsta valfag byrjar á fullu!

***

Atlimann er dýrkaður í skólanum fyrir að hafa bakað bestu skúffuköku sem krakkarnir í bekknum höfðu smakkað...nokkrir hafa nú þegar beðið um uppskriftina og ætla að prófa að baka um helgina :) Snilld...

***

Á morgun ætlum við Atli, Britta og Moritz (kærastinn hennar) að kíkja á Vísindasafnið hérna í Glasgow og gera eitthvað sniðugt í framhaldinu, fá okkur eitthvað gott að borða og svona. Vona að það verði ekki rigning á morgun eins og er búin að vera síðustu daga...

***

Jæja, ég ætla að setja lappirnar upp á borð og koma mér vel fyrir og vafra aðeins um internetheima áður en við Atli kíkjum eitthvað út að snæða kvöldmat.

***

Miss you all, knús knús :)

Vinnutörn í skólanum

Vikan alveg fullpökkuð...enda er ég í skólanum frá 9-17 og svo hópverkefnavinna á kvöldin. Héldum kynningu í tíma í dag á nokkrum fræðigreinum og á föstudaginn höldum við aðra kynningu um casestudy á IKEA.

Kennarinn er klárlega með mestu snillingingum í kennslu sem ég hef kynnst, Tom Mullen heitir maðurinn og er fullur af fróðleik, reynslu, áhuga og orku. Hann notar alveg frábær dæmi til að lýsa mismunandi aðferðum og kenningum sem fyrirtæki nota í hinu raunverulega umhverfi...og sýnir okkur hvernig hlutirnir gerast ekki allir eftir bókinni :)

***

Fyrir utan að skólinn er alveg að hellast 200% yfir mann núna enda kominn marsmánuður...þá er veðrið ekki alveg að gera sig þessa dagana...búið að vera rigning síðustu þrjá daga. Ef marka má Skotana sem eru með mér í bekk þá er rigningin komin til að vera...en það þýðir ekkert að pirra sig yfir því. Við Íslendingar erum nú vön öllum veðrum :)

***

Annars fórum ég, Atli og Britta í byrjun Febrúar til Ayr, smábæjar fyrir utan Glasgow. Stuttu seinna kíktum við svo í skoðunarferð í Glasgow University og á Kelvingrove safnið. Ég náði aldrei að setja inn neinar myndir frá því en hérna koma örfáar...betra seint en aldrei :)

Á labbi á ströndinni í Ayr...var samt frekar kalt...

Ég og Atli á strndinni

Glasgow University....frekar háfleygt og fræðilegt að stúdera í svona byggingu get ég ímyndað mér!

Ég, Preeti, Britta og Suruchi

"Síðasti hvíldardagurinn"

Ef hvíldardag má kalla!!! En á morgun byrja ég í nýjum áfanga, Operations Strategy, valfag sem kennt er frá 9-5 alla daga í næstu viku. Ég verð sem sagt vonandi full af nýjum fróðleik í lok vikunnar :) Í dag og í gær er ég búin að vera að lesa greinar og case fyrir fyrsta tímann, nóg lestrarefni eins og vanalega. En það lítur að minnsta kosti út fyrir að þetta verði spennandi efni :)

***

Næst vika verður sem sagt mjög busy...ekki treyst á mörg blogg frá mér en það er aldrei að vita nema maður skelli inn nokkrum stuttum bloggum...

***

Hérna eru nokkrar myndir frá síðustu vikum sem ég hef ekki getað sett inn á bloggið...

Í snjókomu örfáum dögum eftir að Atli kom til Glasgow

Bekkurinn fór út að borða saman...ég í bleiku skónum og Atli þarna í miðjunniAnkit frá Indlandi í bekknum mínum bauð nokkurum í mat til sín og við fengum að smakka rosalega góðan indverskan matAtli að skoða myndavélina hans Andreas og fá að prófa aðeins...hafa báðir áhuga á ljósmyndun