Farið að vetra

Aðeins farið að kólna hérna í Glasgow...þó svo það sé nú ekki farið að snjóa eins og heima á klakanum :) Tvær myndir til samaburðar frá því ég kom hérna í September...

September

Nóvember

Í kvöld ætla ég svo að fara í smá partý...jú jú mikið rétt. Einn í bekknum á afmæli og allir ætla að mæta...ætla að reyna að muna eftir að taka einhverjar myndir svo ég geti nú deilt þeim með ykkur :)

Annars er hérna mynd af CCM hópnum mínum...hehehe...þessum líka "æðislega" hóp...

Ég, Fan Wang, Niraj, Vihal og Dmitri

Einkunn komin í hús

Fékk einkunnina fyrir Cross-cultural-management hópverkefnið í dag...verkefnið sem ég gerði ein og hinir í hópnum voru free-riders...eina sem þeir gerðu var að taka þátt í kynningunni...þ.e. muna handritið sem ég skrifaði og lét þá fá!!! Ég er endalaust ánægð með einkunnina...Fékk "Distinction" en það voru bara tveir hópar af öllum bekknum sem fengu svoleiðis einkunn...Distinction þýðir að hópurinn minn gerði framúrskarandi kynningu...betra heldur kröfur segja til um...vívíví...ótrúlega gaman...enda lagði ég ekkert smá á mig fyrir þetta verkefni :)

Nóg að verkefnum framundan...kemur svo sem ekkert á óvart...næstu dagar verða teknir í maraþonlestur svo maður viti nú hvað næstu verkefni snúast um...hehehe :)

Fór snemma að sofa í gær...mmmm...það var yndislegt...var komin upp í rúm um ellefu og svaf til hálf níu í morgun...nææææs...þurfti alveg á því að halda...endurhlaða batteríin.

Um helgina verða jólaljósin tendruð í Glasgow...ég ætla ekki að missa af þvi. Á sunnudagskvöldið ætlum ég og Britta svo líklega að elda saman til tilbreytingar. Ætlum jafnvel að fá kínverska meðleigjandann hennar í lið með okkur...væri nú ekki leiðinlegt að elda ekta kínverkan mat :)

Kynningin yfirstaðin og afslöppun í dag

Æði skæði...hópurinn minn var að klára Cross-Cultural kynninguna rétt í þessu, held bara að við höfum staðið okkur mjög vel, allavega var kennarinn mjög stuðningsríkur...hahaha...gátum svarað öllum spurningum og allir stóðu sig vel í kynningunni :) Get ekki líst því hvað ég er ánægð...ég get eiginlega sagt með vissu að ég er að fara að ná þessu fagi. Held það þurfi eitthvað mikið til að kennarinn felli okkur!
*

Hvað er þá framundan....ég vil eiginlega ekki hugsa um það...það eru svo mörg verkefni sem bíða sem þarf að klára á næstu 4 vikum...úfff....
*
Það er þó alveg á hreinu að núna ætla ég að fara heim og taka til í íbúðinni...hef ekki tekið til í mjööög langan tíma....ryklufsurnar í hornunum eru orðnar frekar viðkunnulegar og heimakærar...hahahaha...Það er gott að geta dreift huganum aðeins í dag...þó svo það verði ekki algjör afslöppun, ég þarf víst að skipuleggja verkefni næstu daga og vikna...ágætt að dunda sér í því á meðan spennufallið frá kynningu dagsins er að ganga yfir :)
*
Í kvöld ætla ég svo að hitta nokkra krakka úr bekknum...jebb fá mér bjór og slappa aðeins af. Þarf nauðsynlega á því að halda ef ég ætla að halda geðheilsunni!!!
*
Síðasta laugardagskvöld hitti ég Brittu úr bekknum mínum og kærastan hennar á kaffihúsi, fengum okkur einn bjór til að dreifa huganum....leyfðum okkur bara að taka þessa klukkutímapásu frá verkefnagerð...þýðir ekkert kæruleysi :) Hérna eru nokkrar myndir sem ég tók

Jæja, ætla að fara heim og fá mér eitthvað gott að borða...bið að heilsa í bili :)

Farin að tala við sjálfa mig

Er ekki sagt að ef maður eyðir miklum tíma einn þá byrjar maður að tala við sjálfan sig???

***

Ég er allavega farin að tala við sjálfan mig...og ekki bara í hljóði heldur upp hátt!!! Ég gleymi þá að minnsta kosti ekki íslenskunni á meðan...hehe...ég stóð sjálfa mig að verki í gærkvöldi þegar ég var komin upp í rúm til að fara að sofa að ég var að tala á fullu við sjálfa mig...já já ég viðurkenni það góðfúslega. Ég hugsa að þetta hafi eitthvað að gera með stress....allavega...þegar ég áttaði mig á því að ég var í hörkusamræðum við sjálfa mig ákvað ég að nota tækifærið og hrósa sjálfri mér og hvetja mig áfram upphátt...hahaha...hversu fyndið var það...en viti menn, ég hugsa að það hafi bara virkað vel á mig því ég var búin að vera svo stressuð um kvöldið og alveg ómöguleg yfir þessari hópkynningu sem við erum með á miðvikudaginn. Fannst einhvern vegin ekkert vera að ganga upp...en eftir "sjálfshvatninguna" róaðist ég a.m.k. það mikið að ég náði að sofna...

***

???Haldið þið nokkuð að ég sé gengin af göflunum???

***

Það verður ekki mikið um svefn í nótt...þarf að klára handritið fyrir kynninguna á miðvikudag, mogrundagurinn verður svo notaður í æfingar og fínpússa það sem þarf.

***

Annars byrjaði ég í nýjum áfanga í dag, Fjármálum, vúhú!!! Vonandi man ég eitthvað af því sem Villi Bjarna kenndi okkur í viðskiptafræðinni uppi í HÍ...það bara hlýtur að vera. Allavega gekk fyrsti tíminn fínt fyrir sig, vona að verkefnavinnan verði góð...alveg kominn tími á það...hehe...

Draumatal

Ég þoli ekki leiðinlega, sorglega, dramatíska drauma! Alveg merkilegt hvað mig getur dreymt mikið bull...ætla ekki einu sinni að reyna að lýsa draumi síðustu nætur...var þvílíkt fegin þegar ég vaknaði og áttaði mig á að raunveruleikinn væri miklu miklu miklu betri :)

En hvað um það...morguninn byrjaði með lúðrasveit og látum í hverfinu...verið að fanga stríðslokum í den og sitthvað fleira...veit ekki alveg nógu vel um hvað þetta snérist...en það var svo sem ágætt að hafa smá "klassíska" tónlist á leiðinni út á bókasafn ;) Þegar ég kom á bókasafnið þá var því miður ekki búið að opna það! Dí ég er algjör bókasafnsmoldvarpa...

Átti stuttan fund með "æðislega" hópnum mínum í hádeginu...held ég sé búin að koma okkur á ágætis spor með þetta verkefni. Allavega ætla ég að reyna að klára handritið fyrir kynninguna í dag og á morgun...

Blue-berry muffin og stór Latte í hádegismat....það var reyndar hádegismaturinn minn í gær líka! já já ég veit...þetta er ógeðslega óhollt...en bara svo ógeðslega gott...hahaha...nánast eina trítið sem maður fær þessa dagana...

Það hafa heldur betur verið mótmæli heima á Íslandinu í gær...og auðvitað stóðu Ruddarnir sig í stykkinu ásamt öðrum mótorhjólahetjum. Ég er búin að sjá myndbansupptöku frá spólinu fyrir framan Alþingishúsið...verð að segja að þetta lúkkað ekkert smá vel....veit svo sem ekkert hvort lögreglan hafi verið hrifin af þessu...en skv. því sem ég get best séð var mótorhjólafólkið til friðs...bara með flott show...ég ætla þó ekki að fullyrða neitt..hehehe. Ég klappa allavega fyrir þeim sem tóku þátt í mótmælunum. Vona að þetta skili einhverju...allavega fái þjóðfélagið til að hugsa og vera meðvitaðri um ástandið.

Annars er verið að skreyta alla borgina, bæjarstarfsmenn um allt að hengja upp jólaseríur. Sá í morgun að unnið var að því að setja upp stóra jólatréð á George Square...það verður svo kveikt á ljósunum á því og öðru jólaskrauti um alla borgina 16.nóvember...ég verð nú að láta sjá mig þar. Fá smá jól í augun :) Þannig að í staðin fyrir að mæta á Austurvöll þegar kveikt verður á jólatrénu þar þá verð ég við athöfnina á George square :) Get ekki beðið eftir jólunum ... :)

Hjólasumarið 2008

Gunni og Candy (úr Ruddunum) settu saman tvær myndaseríur um hjólasumarið 2008. Þvílíka snilldin sem þetta sumar var...good memories :)

Ef einhverjir hafa áhuga á að sjá myndböndin þá eru þau hér

Ruddasumarið 2008:

http://uk.youtube.com/watch?v=OLnWaE736Zc

Road Race sumarið 2008:

http://www.youtube.com/watch?v=7uMAV8j_Yzg

Gunni og Candy fá stórt hrós frá mér fyrir þetta framtak.

Takk fyrir frábært hjólasumar

***Maður er strax farin að bíða eftir næsta sumri...get ekki beðið***

Niðurstöður komnar í hús...

...JEI JEI JEI JEI......YÖÖÖÖÖÖÖÖSSSSS...

Var að fá einkunnina úr Strategy verkefninu sem hópurinnm inn kynnti í síðustu viku...hópavinnan sem var hreint út sagt hræðileg og ég hélt við myndum falla. En nei nei við náðum með stæl og ég og strákurinn sem gerðu alla vinnuna fengum hærri einkunn en hinir í hópnum okkar...þvílíka snilldin :)

Ég var líka að fá einkunn úr öðru hópaverkefni í International Business...góður hópur sem ég er í þar...enda fengum við hæstu einkunnina í bekknum...sorry ég bara verð að fá að monta mig því ég er búin að leggja svo óendanlega mikið á mig til að fá sem bestar einkunnir :) :) :)

***ÞANNIG AÐ NÚNA ER ÉG Í EINS GÓÐU SKAPI OG HÆGT ER AÐ VERA***

Get ekki annað sagt en að þetta sé hvatning inn verkefnavinnu helgarinnar...nú tek ég sko á Hofstede...hehehe...

Celtic vs Man United

Stórleikur í Glasgow í kvöld...hahaha...allir á völlinn...allavega eini karlkyns skotinn í bekknum mínum :) Hann sagðist ekki mæta í skólan á morgun ef Celtic tapar! heldur betur alvara í þessu hérna...

Er að meigla hérna...hef ekkert að blogga um en er gjörsamlega með ritstíflu...er að reyna að skrifa eitthvað um gagnrýni á Hofstede....bleeeee...heilinn á mér ekki alveg að fúnkera. Krakkarnir sem eru með mér í hópverkefninu sögðu við mig í dag að ég væri búin að lesa yfir mig um Hofstede og allt væri örugglega komið í rugl í kollinum á mér..hahaha...góð réttlæting fyrir þau fyrir að lesa ekki meira!

Eftir að ég flutti hingað út þá tóku neglurnar mínar stökkbreytingu! Ég hef aldrei getað safnað nöglum (þrátt fyrir miklar tilraunir og ráðleggingar frá ástkæru Hjördísi minni í Eimskip:) en svo eftir að ég kom hingað út þá hef ég ekki hugsað neitt um neglurnar á mér. Ekki naglalakkað þær einu sinni...og viti menn...ég er komin með þessar líka flottu neglur...sjö níu þrettán...vona að þær brotni ekki allar á næstunni...ég er mikið búin að velta því fyrir mér hver ástæðan væri. Maturinn sem ég borða hérna er ekki mikið öðruvísi en heima....reyndar borða ég mjög mikið brauð hérna og nánast enga ávexti og grænmeti...heheh ekki gott, ég veit! og svo er það kannski vatnið...Í Glasgow er í lagi að drekka vatn úr krönunum en maður finnur samt að það er eitthvað aðeins öðruvísi á bragðið en heima. Kannski það hafi einhver áhrif eða kannski öll kaffidrykkjan....veit ekki...

Jæja...best að snúa sér aftur að Hofstede og þjóðmenningunni :)

Kjúlli hvert kvöld

Ok...ef ég kem fiðruð heim um jólin ekki láta ykkur bregða!!! Málið er að ég borða nánast bara kjúkling hérna...ég sver það það hljóta fljótlega að fara að vaxa á mér fjaðrir..hehe. En annars er ég voða montin hvað ég er dugleg að elda mér mat hérna...þessa tæpu tvo mánuði sem ég hef verið hérna hef ég eldað miklu oftar heldur en þessi tæpu tvö ár sem við Atli bjuggum á Eskivöllunum...Ég lít bara á það þannig að elda kvöldmat er "trítið" mitt hérna úti. Það er eini tíminn sem ég gef mér á hverjum degi til að taka mér pásu frá lestri. Þá er nú um að gera að leyfa sér að elda kvöldmat...setja David Gray í græjurnar og hugsa um eitthvað annað en kenningar og skólaverkefni :) Verð reyndar að viðurkenna að David Gray er orðinn svolítið þreyttur...enda er ég örugglega búin að hlusta á diskinn hans svona 20 sinnum í röð þar sem þetta er eini geisladiskurinn sem ég á...hahah ég þarf að gera mér ferð út í búð og kaupa eitthvað nýtt stöff :)

Annars er ég að fara að skila einu verkefni í hádeginu í dag...vívíví...reyndar gildir verkefnið bara 10% af heildareinkunn en einhvern vegin eyðir maður alltaf hlutfallslega mestum tíma í litlu verkefnin. Hópurinn sem ég er í í þessu fagi er góður...vei loksins :) Þegar tímar dagsins hafa klárast kl 5 í dag verður Hofstede aftur tekin upp þar sem kynning á gagnrýni á menningarmódelinu hans verður næsta miðvikudag! Ufff það verður ekki lítið að gera hjá mér næstu daga...hópurinn í þessu fagi er hreint út sagt glataður...sjáum hvað setur!

Hversu slæmt er það orðið þegar maður eyðir meiri pening í kaffidrykkju á dag heldur en mat??? ég er orðin Latte fíkill...að minnsta kosti einn latte á dag kemur skapinu í lag! eða allavega heldur manni gangandi hehe...málið er að hver latte kostar 2 pund = 400kr íslenskar. Þannig að nú verð ég að fara að setja mér Latte-reglur. Ekki fleiri en einn Latte á dag...og reyna að takmarka drykkjuna við 5 Latte á viku! er þetta ekki raunhæft? maður verður að hafa eitthvað skipulag á þessu...annars drekk ég endalaust Latte...fyrir utan að Latte er nú ekki beint holt eða hitaeiningasnautt...hahaha

Halloween myndir

Þó svo ég hafi ekki farið í bíó á föstaudagskvöldið eins og ég var búin að lofa mér þá bætti ég sjálfri mér það upp með því að fara í Halloween party á laugardagskvöldinu. Bretar halda mikið upp á Halloween og leggja mikið upp úr að vera í flottum búningum...tók nokkrar myndir til að deila með ykkur. Það var alveg á hreinu að ég var sú metnaðarlausasta þegar kom að búningavali...hahaha

Fékk mér tvo bjóra til að slaka á og fór heim rétt fyrir miðnætti...enda var vaknað í bítið og byrjað að lesa...vill svo skemmtilega til að Cross Cultural Management hópurinn minn lærir ekki rassgat! þar af leiðandi lítur út fyrir að ég þurfi að læra á við fimm manns til að byggja upp rök fyrir kynninguna okkar í næstu viku...ég klappa sjálfri mér mikið á bakið þessa dagana til að komast í gegnum þetta :) hahaha...get ekki beðið eftir að þetta hópverkefni er búið...þá byrja ég í nýjum hóp sem er algjör snilld :)