Undirbúningur fyrir Glasgow

Jæja, þá erum við búin að stofna blog og getum því strikað yfir það á "To Do" listanum fyrir Glasgow...

Við erum búin að vera á fullu síðustu tvær vikurnar að flytja út úr íbúðinni á Eskivöllum í Hafnarfirði. Tókum nokkra daga í að pakka öllu í kassa og ganga frá. Máluðum íbúðina og fórum með alla búslóðina okkar í geymslu til mæðra okkar. Við ætlum nefninlega að taka sem minnst með okkur út til Glasgow og leigja í staðinn íbúð með öllum húsgögnum og spara okkur því stússið tengt flutningi milli landa.

Hérna eru nokkrar myndir sem við tókum í flutningunum:

Við Atli í góðum gír í málningarstörfunum

Búið að pakka í allnokkra kassa

Íbúðin nánast tóm og rúmið komið inn í stofu

Sjáiði gítarsnillinginn með ryksugu í hönd og múrverkið í bakgrunni ;)

Eins og stendur búum við í Tjarnarmýrinni hjá mömmu og pabba Sæunnar. Fer mjög vel um okkur í gamla herberginu okkar :)

Annars er planið að Sæunn flytji út til Glasgow þriðjudaginn 16. september, skólinn byrjar svo í lok september. Atli flytur ekki alveg strax út, verður að vinna aðeins lengur og kemur svo út þegar hlutirnir eru komnir á rétt ról.

Við erum ekki ennþá komin með íbúð í Glasgow. Það má því segja að farfuglaheimilið verði fyrsta heimilið í Glasgow. Það eru víst einhverjar reglur hjá flestum leigumiðlurum í Skotlandi að áhugasamir verða að skoða íbúðir áður en þeir staðfesta leiguna. Þar af leiðandi getum við ekki fengið neina íbúð fyrr Sæunn er a.m.k. komin út.

Látum þetta duga í bili, verður nóg að gerast næstu dagana,

Sæunn og Atli