Vinnutörn og Thunderstorms í Glasgow

Ég er búin að vera ótrúlega dugleg að læra síðan ég kom aftur út...þó svo ég segi sjálf frá. Bara nokkuð ánægð með mig. Var að enda við að senda einn kafla á kennarann sem ég var búin að lofa sjálfri mér að klára áður en mamma og Ester koma á föstudaginn. Þannig að ég er bara ótrúlega sátt. Ég hef þá næstu daga til að undirbúa viðtölin og spurningakönnunina sem eru hluti af rannsókninni minni :)

Veðrið í Glasgow er líka ekki búið að vera neitt frábært...reyndar alveg heitt en rigning á köflum og lítil sól...það er fínt lærdómsveður. Svo er spáð fínasta veðri um helgina...20 stiga hita og hálfskýjað/sól...ég vona bara að það haldist svo við mæðgurnar getum sprangað um borgina eins og okkur einum er lagið :)

***

Það er svo mikið æði að Britta skuli vera flutt inn til mín...við eldum okkur eitthvað spennandi á hverju kvöldi..í kvöld var það indverskum grænmetisréttur með puffed rice (sem eru eiginlega eins og kramin hrísgrjón!) með kartöflum, gulrótum, papriku, lauk, súkíni, chilli, turmeric, soya sósu og sweet-chilli sósu...mmm gott...og í gær gerðum við okkur Sushi...og það heppnaðist bara frábærlega vel :) Ótrúlega ánægð með okkur... :)

***

Besta vinkona Brittu var hérna um helgina og þær fóru um allan bæ að skoða sig um...við fórum svo allar saman á laugardagskvöldinu á skoskan veitingastað sem heitir Arisaig...þær fengu sér lax en ég fékk með kjúklingabryngju með sætum kartöflum, steiktu grænmeti og kókos-kóriander sósu...mjög góður matur...kannski ég taki mömmu og Ester þangað ef við höfum tíma :) Á sunnudagskvöldinu fengum við okkur svo bara bjór hérna heim og gæddum okkur á snakki, súkkilaðimolum og hvótlauksbrauði og spjölluðum frameftir...voða kósí :)

***

Núna ætla ég að stökkva upp í rúm og horfa á einn eða tvo Sex and the City þætti og fara svo að sofa fyrir miðnætta...alltaf svo gott að fá góðan svefn...mmmm....

Bið að heilsa í bili :)